Primeira
saída de fin de semana da presente tempada. Do mesmo xeito que andamos metidos
no proxecto de facer o GR-58 en distintas etapas, a organización leva tempo
barrenando con levarnos a facer algo espectacular e que mellor que propoñernos facer este sendeiro chamado “O camiño dos faros”.
Isto foi unha iniciativa da Asociación O Camiño dos Faros para promocionar esta
ruta pola Costa da Morte e que a coñeza moita xente co máximo respecto pola
natureza. Un percorrido con gran variedade de paisaxes, sempre pegados ó mar e
cos faros como guía para seguir o camiño. Con saída en Malpica e chegada ó faro
de Fisterra, percorre ó redor de 200 km en oito etapas. O Souto do Vello
agradece ós trasnos o traballo realizado para levar a cabo esta iniciativa e
fai votos para que se consiga a homolgación e ter así o gran GR e Galicia nunha
costa espectacular como é a Costa da Morte. Podedes consultar a páxina oficial
para coñecer polo miúdo este sendeiro.
Nós fixemos
as dúas primeiras etapas, adaptándoas un pouco ás nosas necesidades. O sábado
fixemos de Malpica ata o faro de Punta Nariga e o domingo dende Punta Nariga
ata o faro Roncudo.
Cando
chegamos o sábado a Malpica estaba un tempo bo para camiñar, despois duns
cafeciños puxémonos en camiño para atoparnos moi pronto coa fonte e capela de
san Adrián e divisar xa as illas Sisargas.
Dá gusto
camiñar por estes sendeiros. Agradecemos o labor do concello de Malpica ó manter limpo o
sendeiro. Facemos tamén un chamamento ó resto dos concellos para que colaboren
no mantemento da ruta.
Gozando das
espectaculares paisaxes como din os trasnos na súa web, chegamos ata o faro de
Punta Nariga moi contentos.
Trasladámonos
ata o hotel Monte Blanco, na parroquia de Neaño no concello de Cabana de
Bergantiños, onde nos trataron de marabilla, coas habitacións ben coidadas e un
almorzo fantástico.
Tamén
queremos agradecer o trato dos restaurantes París e Sabelo onde nos repartimos
para cear. Recomendables ámbolos dous.
O domingo
fixemos a “nosa” segunda etapa dende o faro de Punta Nariga ata faro Roncudo. O
día estivo fantástico e o espectáculo do mar batendo nos acantilados invitaba a
quedar alí por algún tempo, pero había que chegar a destino. Dende o faro
trasladámonos á vila de Corme para tomar unas cerveciñas reparadoras e coller camiño
de volta a Vigo.
Dado o éxito
destas dúas etapas, a organización fixo unha enquisa entre os andaríns e mais
entre as que estiveron de turisteo no autobús, e todos decidiron converterse en
trasnos e continuar o camiño. Este é un reto para a organización que ten que
preparar as outras etapas pero estamos seguros de que o fará de boa gana.
Para ver as fotos fai clic aquí
Falando de organización, desde o Souto do Vello queremos
facer chegar o noso agradecemento a Montañeiros Galegos polo Nepal- MGxN polo esforzo realizado en apoio aos afectados pola catástrofe do Nepal deste ano.
Sentimos non poder estar na Andaina Solidaria celebrada o domingo polos montes
de Vigo pero tamén nos solidarizamos. É por isto que nos queren incluír como club colaborador.
como se nota que o cronista esta comprado por donde nos levou a organisasion non van nin as cabras incluso hubo que facer pontes para poder pasar e a isto chamalle unha voa organinasion
ResponderEliminarO cronista está esperando por un xamón que lle ofreceu o anónimo, pero como non chejou ten que falar ben da organización que o invitou a persebes en Corme. Para a próxima se cheja o xamón de pata nejra falamos
ResponderEliminarQue ben o pasamos a media ducia de mozas que non fomos camiñar. Un autobús para nós soliñas. Visitamos o dolmen de Dombate, Laxe, Malpica.. Ata tivemos tempo de catar os percebes do Roncudo en Corme. Ata a próxima!
ResponderEliminarSimplemente incrible o que traballou esta sente para que o resto dos mortais poidamos gozar destas incribles paisaxes moitas gracias por deixarnos coñecer estes tesouros que a natureza nos ten agochados e moitas gracias a nosa organización por buscar, preparar estes percorridos tan ben organizados “ coma sempre “ e os comentarios eran que xa temos gañas de voltar para seguir deleitándonos deses marabillosos paisaxes, saúde para todos para seguir pasando de puta madre.
ResponderEliminar