Cea 20º aniversario

 

O pasado sábado, 5 de novembro, xuntámonos no restaurante Moisés en Valadares, arredor de 110 persoas relacionadas co Souto do Vello para celebrar o 20º aniversario do grupo.

Foi unha reunión moi agradable onde tivemos a oportunidade de compartir charla, ademais de mesa, con xente que nalgún momento nos acompañou nos centos de rutas que se levan feito dende o ano 2002. Tamén botamos de menos aqueles que nos acompañaron e agora non o poden facer.

Nós chamámoslle a cea dos “apolos” porque brindamos para ir “apolos” 25 anos de camiñadas.

Antes da sobremesa visionamos e gozamos cun pequeno vídeo elaborado polo noso compañeiro Telmo coas imaxes recollidas da saída a Pireneos.

Como non podía ser doutra maneira, a reunión rematou coa degustación das rosquillas Ancla regadas con sidra de Bembrive que deron paso ó baile e diversión ata altas horas da madrugada.

Pero antes tivemos a oportunidade de agradecer a colaboración inestimable do noso guía-montañeiro Carlos Garrido coa entrega dun pequeno agasallo e co desexo de seguir contando con el.

Tamén houbo outra homenaxe ás tres parellas de avós recentes que foron agasallados cuns preciosos obsequios. Temos que dar as grazas a todos por este cariño transmitido.

Pois como diciamos antes, imos a polos 21 para poder chegar ós 25.

Para ver máis fotos da cea fai clic aquí.